«Челси» ҳимоячиси Тиаго Силва «Манчестер Сити»га қарши (1:0) Чемпионлар лигаси финалидан кейин фикрлари билан ўртоқлашди.
«Бу фаолиятимдаги энг муҳим воқеа. Жуда ҳам бахтиёрман. Чемпионлар лигаси бош совринига эга чиқиш – улкан ютуқ.
Жароҳат? Ўйинни эрта тарк этишга мажбур бўлдим. Чунки бундай даражадаги баҳсда 70% куч билан ўйнаб, таваккал қилиб бўлмасди. Жамоам хотиржамликни сақлаб, якунда ғолиб бўлганидан хурсандман.
Париждаги фаолиятимдан кейин бу ютуқнинг мен учун аҳамияти жуда катта. Одатда «ПСЖ» Чемпионлар лигасида мағлуб бўлганидан кейин, ҳамма айбдорни излар ва доим ўша мен бўлиб чиқардим. Бу жуда ёмон.
Умид қиламанки, «ПСЖ» ҳам келажакда бу турнирда ғолиб бўла олади. Бу жамоада дўстларим кўп, Париж клуби юрагимдан жой олган», - дейди 36 ёшли бразилиялик ҳимоячи RMC Sport нашри билан суҳбатда.
Маълумот учун, Тиаго Силва 2012-2020 йиллар давомида «ПСЖ» сафида тўп сурган.