Himoyachi Fikayo Tomori «Chelsi»dan «Milan»ga doimiy ravishda ko‘chib o‘tadi.
Jurnalist Fabrisio Romanoning xabar berishicha, Italiya klubi inglizning ijara shartnomasida ko‘rsatilgan sotib olish variantini faollashtirmoqda. Uning qiymati 28 million yevroni tashkil etadi.
23 yoshli futbolchi «Milan» bilan 5 yillik shartnoma imzolaydi.
Bundan tashqari, «Chelsi»ni ushbu yozda Emerson, Tiyemue Bakayoko va Davide Zappakosta tark etishadi.
Ma’lumot uchun, o‘tgan mavsum Tomori «A» seriyasida «Milan» tarkibida 17 uchrashuv o‘tkazdi va 1 ta gol urdi.
