“Real”ning yangi bosh murabbiyi Karlo Anchelotti ijaradan qaytishi kutilayotgan Garet Beylga o‘z munosabatini bildirdi. Ma’lumki, Garet Beyl avvalgi murabbiy Zinedin Zidan yetarli darajada imkon bermaganidan keyin “Tottenxem”ga o‘tishga majbur bo‘lgandi.
- Garet Angliya premyer-ligasida kam o‘ynasa ham gol ura oldi. Ayniqsa, mavsumning oxiridagi o‘yinlarida sermahsul bo‘ldi. Men uni yaxshi bilaman va u qaytmoqda. Agar to‘p tepish ishtiyoqini yo‘qotib qo‘ymagan bo‘lsa, uni ajoyib mavsum kutmoqda. Bunga shubham yo‘q.
Men hali ham Beyl, isko va Marseloga ishonaman va ular o‘ynashni istasa, “Real” uchun to‘p tepishi mumkin, - dedi Karlo Anchelotti.
Garet Beyl o‘tgan mavsumda “Tottenxem” safida barcha turnirlarda 34 ta uchrashuv o‘tkazib, 16 ta gol urdi va uchta golli pas berdi. Uning “Qirollik klubi” bilan yana bir yillik shartnomasi bor.
