«Chelsi» bosh murabbiyi Tomas Tuxel Chempionlar Ligasidagi g‘alabani uzoq vaqt nishonlamadi.
Nemis mutaxassisi tarkibni to‘ldirishni allaqachon boshlab yuborgan. Tuxel London klubi rahbariyatiga kelasi mavsumda unga qaysi futbolchilar kerakligini aytdi.
Britaniya matbuotining yozishicha, Tomas to‘rtta pozisiyani kuchaytirishni rejalashtirgan. «Chelsi» ushbu yozda markaziy himoyachi, markaziy yarim himoyachi, vinger va markaziy hujumchi bilan shartnoma imzolashi kerak. Biroq ularning nomi hali ma’lum emas.
Eslatib o‘tamiz, «Chelsi» ushbu yozda hujumchilar Olivye Jiru va Temmi Avraxam bilan xayrlashadi.
