«Челси» бош мураббийи Томас Тухель Чемпионлар Лигасидаги ғалабани узоқ вақт нишонламади.
Немис мутахассиси таркибни тўлдиришни аллақачон бошлаб юборган. Тухель Лондон клуби раҳбариятига келаси мавсумда унга қайси футболчилар кераклигини айтди.
Британия матбуотининг ёзишича, Томас тўртта позицияни кучайтиришни режалаштирган. «Челси» ушбу ёзда марказий ҳимоячи, марказий ярим ҳимоячи, вингер ва марказий ҳужумчи билан шартнома имзолаши керак. Бироқ уларнинг номи ҳали маълум эмас.
Эслатиб ўтамиз, «Челси» ушбу ёзда ҳужумчилар Оливье Жиру ва Тэмми Аврахам билан хайрлашади.
