"Real" bosh murabbiyi lavozimini tark etganidan ko‘p o‘tmay Zinedin Zidan klubni tanqid qilgani ma’lum qilindi. AS nashri xabariga ko‘ra, Madrid klubi Zidanning so‘zlarida keltirilgan 10 million yevro tufayli xafa bo‘lgan. Manbaga ko‘ra, Zinedin Zidan "Real"ga qaytgach, u iste’foga chiqarilgan taqdirda 10 million yevro tovon puli to‘lashi kerak bo‘lgan bandga imzo chekadi.
"Qaymoqranglilar" esa fransuzga ushbu summani to‘lamasdan lavozimini tark etishiga imkon berdi. Ma’lumot uchun Zidan 2019-yildan beri "Qirollik klubi"ni boshqarib keldi. Bungacha fransuz 2016-yildan 2018-yilgacha jamoa bilan ishlagan va Chempionlar Ligasida ketma-ket uchta g‘alaba qozongan.
