"Реал" бош мураббийи лавозимини тарк этганидан кўп ўтмай Зинедин Зидан клубни танқид қилгани маълум қилинди. AS нашри хабарига кўра, Мадрид клуби Зиданнинг сўзларида келтирилган 10 миллион евро туфайли хафа бўлган. Манбага кўра, Зинедин Зидан "Реал"га қайтгач, у истеъфога чиқарилган тақдирда 10 миллион евро товон пули тўлаши керак бўлган бандга имзо чекади.
"Қаймоқранглилар" эса французга ушбу суммани тўламасдан лавозимини тарк этишига имкон берди. Маълумот учун Зидан 2019-йилдан бери "Қироллик клуби"ни бошқариб келди. Бунгача француз 2016-йилдан 2018-йилгача жамоа билан ишлаган ва Чемпионлар Лигасида кетма-кет учта ғалаба қозонган.
