The Athletic нашри журналисти Давид Орнштейн "Манчестер Юнайтед"нинг ёзги трансфер ойнаси учун режаларини очиқлади.
"Манчестер Юнайтед" трансфер бозорида эҳтиёткор ва интизомли бўлишга, футболчиларнинг нархини белгилашга ва ундан ошиб кетмасликка катта эътибор қаратмоқда. Агар нарх жуда баланд бўлиб кетса, улар трансфердан воз кечишмоқда ҳамда фақат "Манчестер Юнайтед"да ўйнашни жуда истайдиган футболчиларнигина таркибга қўшиб олишмоқда.
Биз Эллиот Андерсон ва Матеуш Фернандеш борасида бу режа иш бермаганини кўрдик, аммо улар тўғри нарх эвазига қўлга кирита оладиган вариантлар албатта бўлади. Шу боис, яқин кунлар ва ҳафталарда бу жараён қандай ривожланишини кўриш мен учун жуда қизиқ", — деди Орнштейн.
Эслатиб ўтамиз, "Манчестер Юнайтед" шу ёз ҳозирча бирорта ҳам трансферни расмийлаштиргани йўқ.
