The Athletic nashri jurnalisti David Ornshteyn "Manchester Yunayted"ning yozgi transfer oynasi uchun rejalarini ochiqladi.
"Manchester Yunayted" transfer bozorida ehtiyotkor va intizomli bo‘lishga, futbolchilarning narxini belgilashga va undan oshib ketmaslikka katta e’tibor qaratmoqda. Agar narx juda baland bo‘lib ketsa, ular transferdan voz kechishmoqda hamda faqat "Manchester Yunayted"da o‘ynashni juda istaydigan futbolchilarnigina tarkibga qo‘shib olishmoqda.
Biz Elliot Anderson va Mateush Fernandesh borasida bu reja ish bermaganini ko‘rdik, ammo ular to‘g‘ri narx evaziga qo‘lga kirita oladigan variantlar albatta bo‘ladi. Shu bois, yaqin kunlar va haftalarda bu jarayon qanday rivojlanishini ko‘rish men uchun juda qiziq", — dedi Ornshteyn.
Eslatib o‘tamiz, "Manchester Yunayted" shu yoz hozircha birorta ham transferni rasmiylashtirgani yo‘q.
