Xabaringiz bor, Italiya Yevro-2020 musobaqasining birinchi o‘yinda Turkiyani mag‘lub etdi (3:0).
Mazkur g‘alabadan keyin, murabbiy Roberto Manchini boshchiligidagi italiyaliklarning mag‘lubiyatsiz seriyasini 28 o‘yinga yetdi.
Shu asnoda jamoa yana bir e’tiborga molik natijani qayd etdi. Ya’ni Appenin yarimoroli vakillari tarixda birinchi marta ketma-ket to‘qqizta o‘yinda gol o‘tkazmasdan g‘alaba qozonishdi.
Bu terma jamoaning shaxsiy hisobdagi eng yaxshi natijasi hisoblanadi. Italiya terma jamoasi 2018 yil sentyabr oyidan buyon yutkazmay kelyapti.
