Xorvatiya terma jamoasining vingeri Ivan Perishich Yevro-2020'dagi "shaxmatchilar"larning o‘yini haqida fikr bildirdi.
«Biz yaxshi o‘ynamayapmiz. Biz shunchaki o‘ynamayapmiz - barchasi shu. Nima bo‘layotganining sabablarini tushunmayapman. Jamoadagi hamma borini berishi kerak, aks holda biz guruh bosqichidan keyin uyga qaytamiz. Bizning imkoniyatimiz bor. Biz oldinga bora olamiz, ammo kuchliroq bo‘lishimiz kerak», - deya UYEFA rasmiy sayti futbolchining so‘zlarini keltiradi.
Xorvatiya Yevro-2020dagi 2 uchrashuvdan so‘ng 1 ochko to‘pladi va "D" guruhida 3-o‘rinni egallab turibdi.













