«Barselona» va Fransiya terma jamoasi forvardi Antuan Grizmann o‘zining ot boqishga bo‘lgan ishtiyoqi va faoliyati yakunida murabbiy bo‘lishni istashi haqida gapirib o‘tdi.
«Men bunga allaqachon atrofdagilar bilan tayyorlanayapman. Men ot boqish bilan ovora bo‘lib, yaxshi otxona yaratmoqchiman. Bitta otim bilan Amerika Gran-prisini yutishni orzu qilaman, bu juda yaxshi bo‘lar edi.
Mening yana bir orzuim bor - futbolchilik faoliyatimni yakunlaganimdan so‘ng futbol murabbiyi bo‘lish. Menga bir guruh futbolchilarni boshqarish, taktika haqida o‘ylash, mashg‘ulotlarni tashkil qilish yoqadi", - deya qo‘shimcha qildi Grizmann.
