Yevro-2020 guruh bosqich bahslari yakuniga yetdi.

Mazkur uchrashuvlarda eng ko‘p gol urgan futbolchi Portugaliya sardori Krishtianu Ronaldu bo‘lib turibdi. Uning hisobida 5 gol bor.

Ronaldu Vengriya va Fransiya bilan o‘yinda dublga erishdi, Germaniyaga qarshi bahsda bitta gol urdi.

Keyingi o‘rinlarda Patrik Shik, Robert Levandovski, Romelu Lukaku, Emil Forsberg va Jorjinyo Veynaldum borishmoqda — 3 gol.

Ikkitadan gol urgan futbolchilar orasida Manuyel Lokatelli, Ivan Perishich, Andrey Yarmolenko, Roman Yaremchuk, Rahim Sterling, Chiro Immobile, Kay Xaverts, Memfis Depay, Yussuf Poulsen, Jerdan Shakiri, Venzel Dumfris singari futbolchillar bor.

Eng ko‘p assist qayd etgan futbolchilar orasida Daniya vakili Pyer-Emil Hoyberg hamda shveysariyalik Stiven Zuber yetakchilik qilishmoqda — 3 assist.

Assistenlar ro‘yxati

1. Hoyberg, Zuber — 3 assist
3. Garet Beyl — 2
3. Memfis Depay — 2
3. Kevin de Bryuyne — 2
3. Robin Gozens — 2
3. Deyan Kulusevski — 2
3. Rafa Silva — 2
3. Roland Shalloi — 2
3. Jerar Moreno — 2
3. Pablo Sarabiya — 2
3. Domeniko Berardi — 2
3.Yosua Kimmix — 2
3. Donel Malen — 2
3. David Alaba — 2

Yevro-2020 guruh bosqichida polshalik hujumchi Robert Levandovski barcha futbolchilardan ko‘p darvozaga zarba berishga muvvafaq bo‘ldi.

Eng ko‘p darvozaga zarba bergan futbolchilar ro‘yxati:

1. Robert Levandovski — 12 (4tasu aniq)
2. Krishtianu Ronaldu — 11 (6)
2. Memfis Depay — 11 (4)
4. Patrik Shik — 10 (6)
4. Alvaro Morata — 10 (6)
4. Jorjinyo Veynaldum — 10 (4)
4. Bril Embolo — 10 (4)
4. Chiro Immobile — 10 (3)
4. Martin Breytuyeyt — 10 (2)

Turkiya terma jamoasi posboni Ugurjan Chakir 18 marotaba seyv amalga oshirdi va 8 gol o‘tkazib yubordi. Turkiyaliklarning ushbu Yevrodagi himoya chizig‘iga havas qilib bo‘lmaydi.

Eng ko‘p seyv amalga oshirgan darvozabonlar ro‘yxati:

1. Ugurjan Chakir (Turkiya) — 18 seyv
2. Stoul Dimitiriyevski (Shimoliy Makedoniya) — 14
2. Lukas Gradetski (Finlandiya) — 14
2. Denni Uord (Uels) — 14
5. Martin Dubravka (Slovakiya) — 11