Italiya terma jamoasi bosh murabbiyi Roberto Manchini Yevro-2020ning 1/8 finali doirasidagi Avstriyaga qarshi o‘yin haqida fikrlari bilan o‘rtoqlashdi.
«3 yil ichida erishgan yutuqlarimiz ancha ko‘zga ko‘rinarli. Ertangi o‘yinga yaxshi kayfiyat bilan yondoshamiz, ortiqcha bosimsiz, ko‘proq o‘z o‘yinimizdan zavq olishimiz kerak.
Ko‘rkam stadionda o‘ynaymiz, yigitlar bu yerda o‘ynash imkoniyati borligidan xursand bo‘lishlari kerak.
Bizni qiyin o‘yin kutib turganini futbolchilar bilishadi. Avstriya bu tajovuzkor va texnik jihatdan kuchli jamoa», - deydi Manchini.
