Shveysariya terma jamoasi sardori Granit Jaka Yevropa chempionati pley-off bosqichida fransuzlar ustidan qozonilgan g‘alaba to‘g‘risida fikr bildirdi. Bu haqda «Blick» xabar berdi.
Shveysariyaliklarning 28 yoshli sardori Fransiyaga qarshi o‘yin haqida shunday dedi:
«Tasavvur qilib bo‘lmas hissiyotlarni boshdan kechiryapmiz. Biz bilan har bir shveysariyalik faxrlanadi. Bu qaysidir o‘rtamiyona jamoacha emas, Fransiya edi. Biz haqimizda ko‘p gapirishardi. Tanqidchilarning og‘zini yopdik».
Ma’lumot o‘rnida, Granit Jaka Fransiya—Shveysariya o‘yinining eng yaxshi futbolchisi deb topildi.
Avvalroq fransuzlar darvozaboni mag‘lubiyatga fikr bildirgani to‘g‘risida xabar berilgandi. Shuningdek, Shveysariya terma jamoasi darvozaboni Fransiyaga qarshi o‘yin haqida nimalar degani ma’lum qilingandi.
