Futbol TV sharhlovchisi Davron Fayziyev Yevro-2020 chorak final uchrashuvlari uchun o‘z taxminini bildirib o‘tdi.
Bugunga taxminlarim
Chexiya - Daniya. Chexlar yaxshi himoyalanishadi. Gollandiyaga hujum qilishga berishmadi. O‘z hujumi ham kuchsiz emas. Patrik Shik bor. Mehnatkash jamoa, tempni ushlay oladi, kurashuvchan. Shuning evaziga individuallik va texnika yetishmovchiligi yo‘qqa chiqariladi. Daniya butunlay farq qiladi. Yorqin, hujumkor, mobil futbol. Yuqori pressing. To‘psiz aktiv harakat. Yoqimli uslub. Otni qamchilab finalga uchib ketayotgan Daniya bugun egardan tushib, yerda loyga botib jang qilishga majbur bo‘ladi. Ana shu sharoitga Daniya tayyormi? Shaxsan mening fikrimcha aynan Daniya yarim finalga mosroq va bugun favorit.
Ukraina - Angliya. Bu juftlikka chuqurlashmasa ham bo‘ladi. Yaqqol favorit bor. Angliya. Ukraina esa har bosqichda tirmashib, katta qiyinchilik bilan chorak finalga yetib keldi. Yulduzli va hisob-kitobli inglizlarga Shevchenko nima taklif qila oladi? Yana yolg‘iz Zinchenko? Bu safar qiyin. Nimchorakda ancha kuchsizlanishdi. Menimcha Angliya Ukrainani uyiga chiroyli kuzatib qo‘ysa kerak. Adashsam ham juda hafa bo‘lmayman. Yoqimli tomosha.
Davron Fayziyev
