Ispaniya terma jamoasi bosh murabbiyi Luis Enrike Italiya terma jamoasiga qarshi bo‘lib o‘tadigan yarim final uchrashuvidan oldin o‘z fikrlarini aytib o‘tdi.

"Agar siz individual o‘yinchilar jamoadan muhimroq deb hisoblasangiz, jamoaviy sportda katta yutuqlarni kutmasangiz ham bo‘ladi. Biz terma jamoadan ko‘ra ko‘proq klub jamoasiga o‘xshaymiz. Men bu masalada Italiyaning bir xilligi muammosini ko‘raman - haqiqiy jamoa. Ko‘ryapmanki, futbolchilar Yevro yarim finaliga haqli ravishda yetib borganliklaridan juda xursand va ishonchli. Bu juda qiyin vazifa. Terma jamoada o‘ynaganimda, hech qachon yarim finalga chiqmaganman, faqat 1992-yilgi Olimpiadadan tashqari. Shu sababli, futbolchilar bu holatdan zavq olishlariga sherikman. Bugun biz mashg‘ulotni yuqori yuklamalarsiz o‘tkazdik - bu har bir futbolchining o‘zini qanday his qilishini tushunish uchun kerak. Shunday qilib, barcha yigitlar ajoyib formaga ega. Men ular uchun xursandman. Italiya Ispaniyaga juda o‘xshaydi. Ular endi oldingidek himoyada o‘ynashni va nima bo‘lishini ko‘rishni yoqtirmaydi. Ularning ajoyib to‘purarlari bor. To‘pni egallash uchun kurash ushbu o‘yinda asosiy o‘rinni egallaydi. O‘ylaymanki, ikkala jamoa bir vaqtning o‘zida ustunlik qila olmaydi, shuning uchun kim bu jihatdan oldinga chiqib ketishini ko‘rish qiziq bo‘ladi. Xullas, Italiya biz kabi ham hujum qiladigan, ham umuman himoya qiladigan haqiqiy jamoa. Ular shuningdek yuqori bosim o‘tkazadi - ilgari bunday narsani tasavvur qilish qiyin edi. Ikkala jamoada ham imkoniyat bo‘ladi", - deydi murabbiy.