Испания терма жамоаси бош мураббийи Луис Энрике Италия терма жамоасига қарши бўлиб ўтадиган ярим финал учрашувидан олдин ўз фикрларини айтиб ўтди.

"Агар сиз индивидуал ўйинчилар жамоадан муҳимроқ деб ҳисобласангиз, жамоавий спортда катта ютуқларни кутмасангиз ҳам бўлади. Биз терма жамоадан кўра кўпроқ клуб жамоасига ўхшаймиз. Мен бу масалада Италиянинг бир хиллиги муаммосини кўраман - ҳақиқий жамоа. Кўряпманки, футболчилар Евро ярим финалига ҳақли равишда етиб борганликларидан жуда хурсанд ва ишончли. Бу жуда қийин вазифа. Терма жамоада ўйнаганимда, ҳеч қачон ярим финалга чиқмаганман, фақат 1992-йилги Олимпиададан ташқари. Шу сабабли, футболчилар бу ҳолатдан завқ олишларига шерикман. Бугун биз машғулотни юқори юкламаларсиз ўтказдик - бу ҳар бир футболчининг ўзини қандай ҳис қилишини тушуниш учун керак. Шундай қилиб, барча йигитлар ажойиб формага эга. Мен улар учун хурсандман. Италия Испанияга жуда ўхшайди. Улар энди олдингидек ҳимояда ўйнашни ва нима бўлишини кўришни ёқтирмайди. Уларнинг ажойиб тўпурарлари бор. Тўпни эгаллаш учун кураш ушбу ўйинда асосий ўринни эгаллайди. Ўйлайманки, иккала жамоа бир вақтнинг ўзида устунлик қила олмайди, шунинг учун ким бу жиҳатдан олдинга чиқиб кетишини кўриш қизиқ бўлади. Хуллас, Италия биз каби ҳам ҳужум қиладиган, ҳам умуман ҳимоя қиладиган ҳақиқий жамоа. Улар шунингдек юқори босим ўтказади - илгари бундай нарсани тасаввур қилиш қийин эди. Иккала жамоада ҳам имконият бўлади", - дейди мураббий.