Yengil vazn toifasidagi sobiq UFC chempioni Xabib Nurmagomedov Italiya va Angliya terma jamoalari o‘rtasidagi Yevro-2020 final uchrashuvi haqidagi taxminlari bilan o‘rtoqlashdi.
«So‘nggi marta inglizlar bu kubokni 1966 yilda qo‘lga kiritishgan. Keyinchalik, ular jahon chempioni bo‘lishgan. Shundan so‘ng, Angliya hech qanday musobaqada zafar quchmagan. Ayni paytda, inglizlar safida Sterling, Keyn, Maunt, Fillips, Uoker, Pikford kabi futbolchilar bor. Angliya juda yaxshi jamoa va ular finalni o‘z uylarida o‘ynashadi.
Italiyaga kelsak, ularda yaxshi imkoniyat bor. «Moviy gvardiya»da juda tajribali futbolchilar bor: Bonuchchi, Kyellini, Immobile shular jumlasidandir. Ammo, o‘ylashimcha, finalda Angliya g‘alaba qozonadi. Sababi, ularda yuqori tezlikda harakat qiladigan futbolchilar bor. Umid qilamanki, inglizlar g‘alaba qozonadi. Chunki, ular bunga loyiq», - dedi Xabib.
Yevro-2020 finali 11-iyul, yakshanba kuni «Uembli»da bo‘lib o‘tadi. Uchrashuv Toshkent vaqti bilan soat 00:00da boshlanadi.
