Енгил вазн тоифасидаги собиқ UFC чемпиони Хабиб Нурмагомедов Италия ва Англия терма жамоалари ўртасидаги Евро-2020 финал учрашуви ҳақидаги тахминлари билан ўртоқлашди.

«Сўнгги марта инглизлар бу кубокни 1966 йилда қўлга киритишган. Кейинчалик, улар жаҳон чемпиони бўлишган. Шундан сўнг, Англия ҳеч қандай мусобақада зафар қучмаган. Айни пайтда, инглизлар сафида Стерлинг, Кейн, Маунт, Филлипс, Уокер, Пикфорд каби футболчилар бор. Англия жуда яхши жамоа ва улар финални ўз уйларида ўйнашади.

Италияга келсак, уларда яхши имконият бор. «Мовий гвардия»да жуда тажрибали футболчилар бор: Бонуччи, Кьеллини, Иммобиле шулар жумласидандир. Аммо, ўйлашимча, финалда Англия ғалаба қозонади. Сабаби, уларда юқори тезликда ҳаракат қиладиган футболчилар бор. Умид қиламанки, инглизлар ғалаба қозонади. Чунки, улар бунга лойиқ», - деди Хабиб.

Евро-2020 финали 11-июль, якшанба куни «Уэмбли»да бўлиб ўтади. Учрашув Тошкент вақти билан соат 00:00да бошланади.