Shimoliy londonliklarning yangi murabbiyi Eshpiritu Santu va klubning transferlar bo‘yicha mutaxassisi Fabio Paratichi tarkibdagi ayrim o‘yinchilar bilan xayrlashish niyatida. Bu narsa hozirgi moliyaviy qiyinchiliklardan kelib chiqib o‘ylanayotgan reja. Ya’ni bir nechta transfer bilan jamoa sardori va yetakchisi Xarri Keyn saqlab qolinishi yoxud uni sotish ehtimoli mavjud.
Hozirgi kunda unga qiziqish juda katta va uni sotish bilan shporlar yaxshigina mablag‘ jamg‘arishlari mumkin. Aynan mana shu moliyaviy bosimlarni olib tashlash uchun tarkibdagi yettita futbolchini sotish kerak bo‘ladi. Bu haqda «The Athletic» nashri xabar bergan.
Himoyada
So‘nggi paytlarda «Tottenham» himoyasiga havas qilib bo‘lmay qoldi. Shu tufayli eng ko‘p qizil kartochkalar bilan «siylanadigan» afrikalik Serj Orye sotish uchun asosiy variantlardan biri. U «PSJ»dan ko‘chib o‘tganidan beri klubga ancha foydasi tekkan. Ammo rahbarlar uni ketadigan vaqti keldi deb hisoblashmoqda.
Yana bir sotuvga qo‘yilishi mumkin bo‘lgan himoyachi – bu Devinson Sanches. «Ayaks» klubidan kelajagi porloq yosh yigit sifatida klubga kelgan bo‘lsada, kutilganidek o‘yin ko‘rsatmadi. Shu sababli unga da’vogar klub chiqqudek bo‘lsa, klub uni sotib yuborishga qarshi emas.
Mussa Sissoko. Ajoyib jismoniy qobiliyatlarga ega fransuz futbolchisini klubda ham terma jamoada ham murabbiylar qadrlashadi. Klubda asosan barqaror harakat qiladi. Lekin Londonda uni safari qarigan ko‘rinadi. Shu tufayli transferlar oynasida sotuvga qo‘yilish ehtimoli bor.
Hujumda
Jamoa hujumida shubhasiz, Son va Keyn muhim rolga ega va ikkisi ham boshqa klubga o‘tishi mumkin. Ular butun Premiyer Liga tarixidagi eng yaxshi juftliklar qatorida bo‘lishadi.
Bir nechta yuqori darajali vingerlar ichida sotish uchun tanlangan Erik Lamela ham bor. U juda kam o‘yin amaliyotiga ega bo‘lmoqda. «Roma»da o‘tkazgan sakkiz mavsumidagi darajasini ko‘rsatib bera olmadi. Shu tufayli endi klub bu yozda u uchun yangraydigan takliflarni eshitishga tayyor.
Lukas Moura. Ushbu futbolchi ham bir paytlar «PSJ» tarkibida yaxshi o‘yinlarni ko‘rsatgan. Londonda ham darajasidan tushib ketmadi. Uning Chempionlar Ligasi doirasida yarim finaldagi «Ayaks»ga qarshi o‘yinda urgan uchta goli «Shporlar» tarixida abadiy qoladi. Uning individual harakatlari orqali o‘shanda klub finalga chiqqan edi. Moura sifatli o‘yinchi bo‘lishiga qaramay, Nuno rejalarida mavjud emas.
E’tibor bergan bo‘lsangiz, «Tottenhem»ning sotishi mumkin bo‘lgan futbolchilar ichida eng asosiysi Garri Keyn. Murabbiy Santu, transfer mutaxassisi Paratichi va klub direktori Daniyel Levi bu borada shoshilmaslikka va futbolchidan maksimum foyda ko‘rishga harakat qilishadi. Tarkibdagi tozalash va yangilash ishlari ham aslida qayta qurishning asosiy fonida yuz bermoqda. Qolaversa, sotuvga qo‘yilajak futbolchilarning ro‘yxati shaxsan Nunu tomonidan tuzilgan.
Jaloliddin Ismatov tayyorladi
