«Barselona»dan Pedri, Ilaysh Moriba va Erik Garsiya, «Real»dan esa Rodrigo Goes, Migel Gutyerres va yaponiyalik Takefusa Kubo 21 yoshgacha bo‘lgan eng yaxshi yosh futbolchilar uchun beriladigan «Golden Boy» mukofotiga nomzod bo‘lgan 80 nafar ishtirokchilar qatoridan joy oldi.
Mazkur mukofot 2003 yildan beri, yosh futbolchilarga taqdim etib kelinmoqda, bu safar ro‘yxat 100 dan 80 nafarga qisqartirildi. Yosh iste’dodlar orasida Erling Xolanddan keyin, uning o‘rnini kim egallashi ko‘pchilikka qiziq. Norvegiyalik futbolchi ushbu mukofotni 2020 yilda qo‘lga kiritdi.
«Barselona»ning 18 yoshli yarim himoyachisi Pedri mazkur poyga favoriti sanaladi. U Yevro-2020ning ramziy jamoasiga kiritildi, qolaversa, Ispaniya terma jamoasi bilan yarim finalga chiqdi.
