«Барселона»дан Педри, Илайш Мориба ва Эрик Гарсия, «Реал»дан эса Родриго Гоэс, Мигель Гутьеррес ва япониялик Такефуса Кубо 21 ёшгача бўлган энг яхши ёш футболчилар учун бериладиган «Golden Boy» мукофотига номзод бўлган 80 нафар иштирокчилар қаторидан жой олди.
Мазкур мукофот 2003 йилдан бери, ёш футболчиларга тақдим этиб келинмоқда, бу сафар рўйхат 100 дан 80 нафарга қисқартирилди. Ёш истеъдодлар орасида Эрлинг Холанддан кейин, унинг ўрнини ким эгаллаши кўпчиликка қизиқ. Норвегиялик футболчи ушбу мукофотни 2020 йилда қўлга киритди.
«Барселона»нинг 18 ёшли ярим ҳимоячиси Педри мазкур пойга фаворити саналади. У Евро-2020нинг рамзий жамоасига киритилди, қолаверса, Испания терма жамоаси билан ярим финалга чиқди.
