«Atalanta» himoyachi Kristian Romeroning sotilishidan 55 million yevro ishlab olmoqchi, deya xabar beradi insayder Fabrisio Romano.

Futbolchiga shuningdek Londonning «Tottenxem» klubi ham qiziqish bildirmoqda. «Shporlar» allaqachon Kristian bilan shartnoma shartlarini kelishib olgan, ammo transfer summasi to‘g‘risida bergamoliklar rahbariyati bilan kelisha olmayaptilar.

So‘nggi mavsumda 23 yoshli markaziy himoyachi barcha turnirlar doirasida 42 ta o‘yin o‘tkazib, 3 ta gol va 5 ta golli pasni amalga oshirdi. Shuningdek, Romero A Seriyaning o‘tgan mavsumdagi eng yaxshi himoyachisi deb tan olindi.