«Аталанта» ҳимоячи Кристиан Ромеронинг сотилишидан 55 миллион евро ишлаб олмоқчи, дея хабар беради инсайдер Фабрицио Романо.

Футболчига шунингдек Лондоннинг «Тоттенхем» клуби ҳам қизиқиш билдирмоқда. «Шпорлар» аллақачон Кристиан билан шартнома шартларини келишиб олган, аммо трансфер суммаси тўғрисида бергамоликлар раҳбарияти билан келиша олмаяптилар.

Сўнгги мавсумда 23 ёшли марказий ҳимоячи барча турнирлар доирасида 42 та ўйин ўтказиб, 3 та гол ва 5 та голли пасни амалга оширди. Шунингдек, Ромеро А Сериянинг ўтган мавсумдаги энг яхши ҳимоячиси деб тан олинди.