«Milan» yarim himoyachisi Frenk Kessi klub bilan shartnomasini uzaytirishi mumkin, deya xabar beradi jurnalist Fabrisio Romano.
Manbaning xabariga ko‘ra, Milan klubi rahbariyati yangi shartnoma borasida muzokara olib borish uchun 24 yoshli ivuarlik futbolchining agenti bilan uchrashishga tayyor. Xabar qilinishicha, «Milan» yiliga 5 million yevro va bonuslarni taklif qilishga tayyor, garchi futbolchining o‘zi 6 million yevro maosh olishni istasa ham.
O‘tgan mavsum Kessi A Seriyaning 34 o‘yinida 10 ta gol urdi va 3 ta golli uzatmani amalga oshirdi. Yarim himoyachining amaldagi shartnomasi 2022 yilning yozida yakuniga etadi.
