«Manchester Yunayted» va Angliya terma jamoasi hujumchisi Markus Reshford yelkasidan operasiya qilinadi. Bu ma’lumotni «Yunayted» matbuot xizmati rasman tasdiqladi.
E’tiborlisi, Markus anchadan buyon yelkasida jiddiy muammolarga duch kelayotgan edi. Konservativ davo inglizga yordam bermadi. Operasiya yaqin kelajakda amalga oshirilishi kutilmoqda.
Eslatib o‘tamiz, Reshford o‘tgan Yevroda Angliya terma jamoasi tarkibida asosiy bahslarda harakat qildi. U inglizlarning turnir finaliga chiqishiga katta yordam bergan.
