«Chelsi» klubi va AQSH terma jamoasi hujumchisi Kristian Pulishich o‘z ruhiy ahvoli haqida OAV bilan suhbatlashdi. 22 yoshli futbolchi barchani ruhiyatga e’tiborli bo‘lishga chaqirdi. 

U bu borada o‘z fikrini bildirar ekan: «Ruhiy salomatligingiz judayam muhim faktor hisoblanadi. Kayfiyat ko‘tarinki bo‘lishi uchun avvalo jismonan sog‘lom bo‘lish talab etiladi. Men doimo futbolda menga qarshi bo‘luvchilar bilan kurashib keldim. Ammo ortga ham nazar tashlashni esdan chiqarmaslik kerak. Men yaxshi joyda va yaxshi odamlar orasida ekanimga ishonaman va bundan baxtiyorman», — deydi sobiq «Dortmund» yulduzi.

Pulishich va uning jamoadoshlari hozirda UEFA Super kubogi uchun tayyorgarlikni davom ettirmoqda.