«Manchester Siti» klubi ushbu yozda «Benfika» himoyachisi Aleks Grimaldoni sotib olish niyatida. Pep Gvardiola o‘tgan yili chempionlikka erishgan bo‘lsa ham chap qanot himoyachisi borasida muammolarga duch kelgan.

«Shaharliklar»da bu borada ko‘plab variantlar bo‘lsada, Mendi tez orada «Etihad»ni tark etishi aytilmoqda. Portugaliyalik jurnalist Pedro Almeyra so‘zlariga ko‘ra, «Siti» Grimaldo transferi borasida muzokaralar boshlagan.

25 yoshli futbolchi 2016 yilda «Benfika»ga o‘tgandan buyon 169 ta uchrashuvga maydonga tushgan. Grimaldoning klubi bilan amaldagi shartnomasi 2023 yilda yakuniga yetadi. «Benfika» futbolchisi uchun 30 million yevro(25,6 funt) so‘ragan.