Rio-2016 olimpiadasida O‘zbekiston delegasiyasiga bronza medalini taqdim etgan 97 kg. vazndagi erkin kurashchimiz Magomed Ibragimov, kutilmaganda, Tokiodagi olimpiya o‘yinlarini ilk bosqichdanoq tark etdi.

U turkiyalik Sulaymon Karadenizga qarshi gilamga chiqdi. Hamyurtimiz o‘z harakatlari bilan raqibga nisbatan mahoratliroq ekanini namoyish etayotgandi. U ikki marta hisobda oldinda bordi. Ammo ikkinchi bo‘limda u asosan himoyaviy jang uslubini tanladi. Karadeniz bahs tugashiga yarim daqiqa qolganida Magomedni gilamdan surib chiqarib, hisobni tenglashtirdi — 3:3.

Ibragimov qolgan soniyalarda ball ishlashga muvaffaq bo‘lmadi. So‘nggi ballni qo‘lga kiritgan turkiyalik sportchi esa g‘alaba qozonib, keyingi bosqichga yo‘l oldi.