«Tottenxem» yangi turnirda ilk uchrashuvni qaysi raqibga qarshi o‘tkazishi ma’lum bo‘ldi. Unga ko‘ra, klubning ilk raqibi Portugaliyaning «Pakos de Ferreira» jamoasi bo‘ladi.

Bu haqda klub rasmiy sahifasida ma’lum qilindi. Portugal klubi 19 avgust kuni London jamoasini mehmon qiladigan bo‘ldi. Bir haftadan keyin esa javob uchrashuvi o‘tkaziladi.

«Tottenxem» Konferensiya ligasiga APLda 7-o‘rin bilan to‘g‘ridan -to‘g‘ri yo‘l olgan. «Pakos» esa Portugaliya chempionatida 5-o‘rinni egallab, saralash bosqichidan o‘tib keldi. «Shporlar» Yakshanba kuni mavsum startini «Manchester Siti»ga qarshi o‘tkazadi.