"Manchester Yunayted" Angliya chempionatining 1-turida "Lids"ga (5:1) qarshi o‘yin oldidan muxlislarga "Real" sobiq futbolchisi Rafael Varan transferini rasman ma’lum qildi.
Evening News nashri xabariga ko‘ra, fransuz "qizil iblislar" bilan to‘rt yillik shartnoma imzolagan va jamoada to‘rtinchi raqamda o‘ynashni rejalashtirgan.
Biroq, rahbariyat to‘rtinchi raqamga ega bo‘lgan himoyachi Fil Jons bilan bog‘langanida, futbolchi o‘z raqamini Varanga berishdan bosh torgan.
Eslatib o‘tamiz, Fil "Manchester Yunayted" safida oxirgi marta 2020-yil 26-yanvarida maydonga tushgan.