«Chelsi» klubi ikki futbolchisi uchun ijara takiflarini ko‘rib chiqmoqda. «Goal» nashrining xabar berishicha, «aristokratlar» o‘z tarkibidagi futbolchilarning umumiy miqdorini 42 tagacha qisqartirmoqchi.

Shuning uchun ikki futbolchisi: Kenedi hamda Met Miazgani keyingi mavsumlar uchun ijaraga berishni rejalashtirgan. Kenedi uchun Braziliya chempionati vakili «Flamengo» taklif bilan chiqqan. Ular futbolchini 10 million funtga sotib olish sharti bilan ijaraga olish niyatida.

Miazga esa La Liga vakili «Alaves»ga qo‘shilish arafasida. Hozirda Met Miazga transferi qay shaklda bo‘lishi muhokamada. Futbolchining «Chelsi» bilan yana bir yillik shartnomasi qolgan. Shu sabab bu borada sotish varianti ustuvor sanaladi.