«Manchester Yunayted» klubi sardori va himoyachisi Harri Maguayr jamoaning yangi a’zosi Rafael Varan haqida gapirdi. U Varan bilan yelkadosh to‘p surishidan xursandligini bildirdi.

Bu haqda «the Guardian» nashri uning so‘zlaridan iqtibos keltiradi: «Siz va biz, umuman hamma Varan faoliyati davomida nimalarga erishganini yaxshi bilamiz. U eng top jamoalar qatorida to‘p surib kelgan. Fransiya ham amaldagi Jahon chempioni. U mutlaqo o‘zga darajadagi o‘yinchi. O‘ylaymanki, Varan klubga g‘alaba ruhiyati hamda yangi futbol mezonlarini olib kiradi. Futbolchi sifatida u bilan birga, yelkadosh o‘ynashdan faxrlanaman. Uning kelishi himoya qo‘rg‘onimizni shubhasiz mustahkam qiladi. Hozir bizda ajoyib himoyachilar jamoasi shakllandi. Endi APL g‘olibligi uchun bunday tarkib bilan raqobatlashish mumkin».