«Манчестер Юнайтед» клуби сардори ва ҳимоячиси Ҳарри Магуайр жамоанинг янги аъзоси Рафаэл Варан ҳақида гапирди. У Варан билан елкадош тўп суришидан хурсандлигини билдирди.

Бу ҳақда «the Guardian» нашри унинг сўзларидан иқтибос келтиради: «Сиз ва биз, умуман ҳамма Варан фаолияти давомида нималарга эришганини яхши биламиз. У энг топ жамоалар қаторида тўп суриб келган. Франция ҳам амалдаги Жаҳон чемпиони. У мутлақо ўзга даражадаги ўйинчи. Ўйлайманки, Варан клубга ғалаба руҳияти ҳамда янги футбол мезонларини олиб киради. Футболчи сифатида у билан бирга, елкадош ўйнашдан фахрланаман. Унинг келиши ҳимоя қўрғонимизни шубҳасиз мустаҳкам қилади. Ҳозир бизда ажойиб ҳимоячилар жамоаси шаклланди. Энди АПЛ ғолиблиги учун бундай таркиб билан рақобатлашиш мумкин».