"Lids" hujumchisi Patrik Bemford "Tottenxem" taklifini rad etmoqchi, deb yozadi Mirror nashri. Ma’lum bo‘lishicha, "shporlar" futbolchini "Manchester Siti"ga o‘tishi mumkin bo‘lgan Xarri Keynning o‘rinbosari sifatida ko‘rib chiqishmoqda.
Manbaga ko‘ra, Bemford "Tottenxem"ga o‘tishni xohlamaydi, chunki u "Lids"da baxtli va hozirgi jamoasi bilan yangi shartnoma imzolamoqchi. Futbolchining klub bilan amaldagi shartnomasi 2022 yilning o‘rtalariga qadar amal qiladi.
Eslatib o‘tamiz, Bemford 2018 yilda "Midlsbro"dan qariyb sakkiz million yevro evaziga "Lids"ga ko‘chib o‘tgan edi. U o‘tgan mavsum APLda 38 o‘yin o‘tkazib, 17 gol va 8 golga uzatma berishni uddaladi.
