Londonning "Vest Xem" klubi "MYU" yarimhimoyachisi Jessi Lingard uchun ushbu haftada ikkinchi marta rasmiy taklif bilan chiqadi. "Bolg‘achilar" futbolchining o‘tgan mavsumning ikkinchi yarmidagi ajoyib o‘yinlaridan so‘ng o‘z safiga doimiy ravishda qo‘shib olishni niyat qilgan.
"MYU" ham yangi futbolchilar xaridi uchun ayrim futbolchilaridan voz kechishi kerak bo‘ladi. Lingard Devid Moyes jamoasiga Yevropa ligasiga yo‘llanma olishga katta yordam bergan. U o‘tgan mavsumda 16 ta uchrashuvda 9 ta gol hamda 5 ta aniq uzatmaga mualliflik qilgandi.
