«MYU» hujumchisi Markus Reshford yelkasidan olingan jarohat tufayli operasiya qilingan edi. So‘nggi ma’lumotlarga ko‘ra, u jarohatidan yaxshi sog‘aymoqda. Hatto avgust oxirida jamoaviy mashg‘ulotlarga ham qaytishi taxmin qilingan.
Angliya terma jamoasi a’zosi o‘tgan mavsumda 20 ta golga mualliflik qilgan bo‘lsa ham butun yil mobaynida yelkasi tufayli azob chekdi. U jarohati sabab Yevropa chempionatini ham o‘tkazib yuborishga majbur bo‘lgan edi. 23 yoshli futbolchi sentyabr oyidan APL o‘yinlari uchun tayyor bo‘lishi ko‘zda tutilgan.
