Ukraina terma jamoasining sobiq bosh murabbiyi Andrey Shevchenko keyingi faoliyatidagi rejalari bilan o‘rtoqlashdi.

"Hozirgi jarayon juda tinch. Biz o‘shanda shartnoma tugagunga qadar hech qanday variantlarni ko‘rib chiqmadik. Endi men bo‘shman, ba’zi variantlarni ko‘rib chiqishim kerak bo‘ladi.

Bu klublar va boshqa terma jamoalarga tegishli. Ko‘ramiz. Men tushunaman, hozir menda vaqt bor, shuning uchun imkoniyatdan foydalanib, boshqa klublar taklifini tinglab ko‘raman, boshqa murabbiylar bilan gaplashaman.

Men umuman yangi loyihalarga qiziqaman. Ambisiyasi bor bunday jamoalar bilan ishlash har doim ham yoqimli. Shunga qaramay, bu klub yoki terma jamoa bo‘lishi mumkin.

Har ikkisida ham ishlay olaman. Biz turli variantlarni ko‘rib chiqayapmiz”, - deydi mutaxassis.

Avvalroq Shevchenko ketganidan keyin Ukraina terma jamoasini kim boshqargani haqida xabar berilgandi.