"Sherlar" Superliga 16-turidan o‘rin olgan uchrashuvda 26 avgust kuni AGMKni qabul qilishadi.

Mazkur bahsda raqibdan Akram Komilov diskvalifikasiya sababli maydonga tushmaydi.

Hozirga qadar chempionatlar tarixida jamoalar 27 marta o‘zaro to‘qnash kelishgan. 20 bellashuvda "Paxtakor" g‘alaba qozongan. 3 bahsda durang qayd etilgan bo‘lsa, 4 marta Olmaliq klubi zafar quchgan. Toshkentliklar 51 to‘p kiritib, 16 gol o‘tkazib yuborgan. 7 muvaffaqiyatni "Sherlar" yirik g‘alaba bilan qo‘lga kiritishgan. Toshkentda kechgan 13 o‘yinning 9tasida "Paxtakor" ustun kelgan. 3 to‘qnashuvda durang qayd etilib, bir bor raqib g‘alaba qozongan. Bu jamoa darvozasiga uyda 26 gol urgan holda 12 to‘p o‘tkazib yuborganmiz. Birinchi davrada "Paxtakor" Olmaliqda 3:0 hisobida zafar quchgan.

Mavsumni muvaffaqiyatli davom ettirib kelayotgan "Sherlar" mazkur o‘yindagi g‘alaba orqali peshqadamlikni yanada mustahkamlashi mumkin. Ayni paytda Xiyustra jamoasi AGMKdan 13 ochkoga o‘zib ketgan.

"Paxtakor" va AGMK jamoalari o‘rtasidagi 16-tur o‘yini 26 avgust, payshanba kuni soat 19:00da "Paxtakor" stadionida boshlanadi.