Bugun Yevropa ligasi guruh bosqichiga qur’a tashlanadi. Qur’a marosimi haqida batafsil ma’lumot berib o‘taamiz.

Qachon?
Qur’a tashlash marosimi 27 avgust kuni Toshkent vaqti bilan 16:00da boshlanadi. Tadbir Istanbulda bo‘lib o‘tadi.

Kimlar ishtirok etadi?
Bu galgi guruh bahslarida 32ta jamoa ishtirok etadi (avvalgi yillarda 48ta edi). 12ta jamoa guruh bosqichi yo‘llanmasini to‘g‘ridan-to‘g‘ri qo‘lga kiritgan bo‘lsa, 10ta jamoa saralash bosqichi orqali ushbu bosqichga chiqdi. Yana 10ta jamoa esa Yevropa chempionlar ligasi saralash bosqichida muvaffaqiyatsizlikka uchragani uchun o‘z ishtirokini Yevropa ligasida davom ettiradi.

Angliya: "Lester", "Vest Xem"
Ispaniya: "Real Sosyedad", "Betis"
Italiya: "Napoli", "Lasio"
Germaniya: "Ayntraxt", "Bayer"
Fransiya: "Lion", "Olimpik", "Monako"**
Portugaliya: "Braga"
Niderlandiya: PSV**
Shotlandiya: "Seltik"*, "Reynjers"*
Avstriya: "Rapid" Vena*, "Shturm"*
Rossiya: "Lokomotiv", "Spartak"**
Serbiya: "Srvena zvezda"*
Belgiya: "Antverpen"*, "Genk"**
Turkiya: "Fenerbaxche"*, "Galatasaroy"*
Gresiya: "Olimpiakos"*
Daniya: "Mityulland"**, "Brondbyu"**
Chexiya: "Sparta"**
Xorvatiya: "Dinamo" Zagreb**
Bolgariya: "Ludogores"**
Vengriya: "Ferensvarosh"**
Polsha: "Legiya"*

Izoh:
* — Yevropa ligasi saralash bosqichi g‘oliblari;
** — Yevropa chempionlar ligasi pley-off va 3-saralash bosqichidan chiqib ketib, Yevropa ligasiga o‘tgan jamoalar.

Savatchalar
Qur’adan oldin jamoalar UYEFA klublar reytingi asosida 4ta savatchaga quyidagicha taqsimlanishgan:

1-savatcha: «Lion» (Fransiya), «Napoli» (Italiya), «Bayer» (Germaniya), «Dinamo» Zagreb (Xorvatiya), «Lasio» (Italiya), «Olimpiakos» (Gresiya), «Monako» (Fransiya), «Braga» (Portugaliya).

2-savatcha: «Seltik» (Shotlandiya), «Ayntraxt» Frankfurt (Germaniya), «Srvena Zvezda» (Serbiya), «Lester» (Angliya), «Reynjers» (Shotlandiya), «Lokomotiv» (Rossiya), «Genk» (Belgiya), PSV (Niderlandiya).

3-savatcha: «Marsel» (Fransiya), «Ludogores» (Bolgariya), «Vest Xem» (Angliya), «Real Sosyedad (Ispaniya), «Betis» (Ispaniya), «Fenerbaxche» (Turkiya), «Spartak» (Rossiya), «Sparta» Praga (Chexiya).

4-savatcha: «Rapid» (Avstriya), «Galatasaroy» (Turkiya), «Legiya» (Polsha), «Midtyulland» (Daniya), «Ferensvarosh» (Vengriya), «Shturm» (Avstriya), «Brondbyu» (Daniya), «Antverpen» (Belgiya).

Qur’a mexanizmi
Qur’a jarayonida final uchrashuvi elchisi Andres Palop va maxsus mehmon Markos Senna ishtirok etishadi.

Bir guruhda bir mamlakatning ikki jamoasi ishtirok etishi mumkin emas. Boshqa cheklovlar haqida qur’a jarayonida ma’lum qilinadi.

Marosimda Yevropa ligasi mavsum-2020/21ning eng yaxshi futbolchisiga sovrin topshiriladi. O‘tgan yillarda ushbu sovrinni Romelu Lukaku, Eden Azar, Antuan Grizmann va Pol Pogba qo‘lga kiritishgan.

Taqvim

Guruh bosqichi o‘yinlari quyidagi sanalarda bo‘lib o‘tadi:

1-tur: 16 sentyabr
2-tur: 30 sentyabr
3-tur: 21 oktyabr
4-tur: 4 noyabr
5-tur: 25 noyabr
6-tur: 9 dekabr

Musobaqa formati
Guruhlarda jamoalar "uy-safar" tizimida o‘zaro 2 martadan to‘qnash kelishadi. Guruhda dastlabki 3ta o‘rinni egallagan jamoa yevrokuboklardagi o‘z ishtirokini davom ettirishadi.

1. Guruh g‘oliblari Yevropa ligasi nimchorak finaliga chiqadi.

2. Guruhlarda 2-o‘rinni egallagan klublar YECHL guruh bosqichida 3-o‘rinni band etgan jamoalar bilan pley-off bosqichida ishtirok etishadi. Ushbu o‘yinlar g‘oliblari Yevropa ligasi 1/8 finaliga chiqadi.

3. Guruhlarda 3-o‘rinni band etgan jamoalar esa Yevropa konferensiyalar ligasi guruh bosqichida 2-o‘rinni egallagan jamoa bilan pley-off bahslarida ishtirok etishadi. Unda g‘olib chiqqan klublar esa o‘z ishtirokini Konferensiyalar ligasi nimchorak final bosqichida davom ettirishadi.