"Vilyareal" futbolchisi Pau Torres "Tottenxem"dan bo‘lgan taklifni rad etgani haqida fikr bildirdi. Himoyachiga Londondan taklif bo‘lganiga qaramay, u o‘z jamoasida qolishni afzal ko‘rgan.

24 yoshli futbolchi bu haqda shunday deydi: "Menga yangi klubdan, "Tottenxem"dan qiziqish bo‘layotgani haqida eshitdim. Shunga qaramay, men nima xohlayotganimni juda yaxshi bilar edim. Shu sabab, o‘z qarorimni sokinlik bilan qabul qildim. O‘zim o‘sgan klubda qolish men uchun eng to‘g‘ri qaror bo‘ldi deb o‘ylayman. Men bu yerda yaxshi mavsumlar o‘tkazib, katta maqsadlarga erishishni xohlayman. Ochig‘i, qaror qabul qilishga umuman qiynalmadim. Chunki o‘z jamoamni yaxshi ko‘raman".

Torresning "Vilyareal" bilan amaldagi shartnomasi 2024 yilning yoziga qadar amal qiladi.