"Вильяреал" футболчиси Пау Торрес "Тоттенхем"дан бўлган таклифни рад этгани ҳақида фикр билдирди. Ҳимоячига Лондондан таклиф бўлганига қарамай, у ўз жамоасида қолишни афзал кўрган.
24 ёшли футболчи бу ҳақда шундай дейди: "Менга янги клубдан, "Тоттенхем"дан қизиқиш бўлаётгани ҳақида эшитдим. Шунга қарамай, мен нима хоҳлаётганимни жуда яхши билар эдим. Шу сабаб, ўз қароримни сокинлик билан қабул қилдим. Ўзим ўсган клубда қолиш мен учун энг тўғри қарор бўлди деб ўйлайман. Мен бу ерда яхши мавсумлар ўтказиб, катта мақсадларга эришишни хоҳлайман. Очиғи, қарор қабул қилишга умуман қийналмадим. Чунки ўз жамоамни яхши кўраман".
Торреснинг "Вильяреал" билан амалдаги шартномаси 2024 йилнинг ёзига қадар амал қилади.
