Angliya terma jamoasi bosh murabbiyi Garet Sautgeyt Jahon chempionati uchun reja tuzishni boshlab yuborgan. Turnir start olishiga hali 15 oy muddat bor. Ammo Sautgeyt saralash siklidan o‘tib olishiga ishonib, musobaqaning final qismi uchun futbolchilar tanlashga kirishgan.
Murabbiy bu haqda shunday deydi: "O‘tmishda biz musobaqalar uchun tayyorgarlik ko‘rishda murakkabliklarga duch kelardik. Hozir esa ancha mustahkamlanganmiz. Biz xuddi o‘zimizni finaldagidek his qila boshladik. Lekin, hali hamon o‘z o‘yinimizni yaxshilab borish uchun harakat qilishimiz kerak. Shu asnoda o‘z rejalarimizni ham tuzib ketishga majburmiz. Hozirda esa, aynan mana shu jarayon ketmoqda. Umid qilamanki, eng yaxshilar biz bilan Qatarga boradi".
Eslatib o‘tamiz, Angliya terma jamoasi saralash siklida I guruhidan joy olgan bo‘lib, jamoaga Vengriya, Albaniya, Polsha, Andorra hamda San-Marino termalari raqobatchi sanaladi.
