Англия терма жамоаси бош мураббийи Гарет Саутгейт Жаҳон чемпионати учун режа тузишни бошлаб юборган. Турнир старт олишига ҳали 15 ой муддат бор. Аммо Саутгейт саралаш циклидан ўтиб олишига ишониб, мусобақанинг финал қисми учун футболчилар танлашга киришган.
Мураббий бу ҳақда шундай дейди: "Ўтмишда биз мусобақалар учун тайёргарлик кўришда мураккабликларга дуч келардик. Ҳозир эса анча мустаҳкамланганмиз. Биз худди ўзимизни финалдагидек ҳис қила бошладик. Лекин, ҳали ҳамон ўз ўйинимизни яхшилаб бориш учун ҳаракат қилишимиз керак. Шу аснода ўз режаларимизни ҳам тузиб кетишга мажбурмиз. Ҳозирда эса, айнан мана шу жараён кетмоқда. Умид қиламанки, энг яхшилар биз билан Қатарга боради".
Эслатиб ўтамиз, Англия терма жамоаси саралаш циклида И гуруҳидан жой олган бўлиб, жамоага Венгрия, Албания, Полша, Андорра ҳамда Сан-Марино термалари рақобатчи саналади.
