Qozon shahrida bo‘lib o‘tayotgan ilk MDH o‘yinlarining navbatdagi kuni ortda qoldi. Ahamiyatlisi, bu kun biz uchun dzyudochilarimizning ajoyib g‘alabasi bilan yodimizda qoldi.
Reglamentga ko‘ra, ushbu kun dasturida dzyudochilarimiz jamoaviy yo‘nalishda g‘oliblik uchun bahs olib borishdi.
Vakillarimiz musobaqani to‘g‘ridan to‘g‘ri yarim finaldan boshlashdi. Ushbu bosqichdayoq ularga jiddiy raqib – mezbon polvonlari to‘qnash keldi. Quvonarlisi, bu juftlikda hamyurtlarimiz 5:2 hisobida ustun kelib, final yo‘llanmasini qo‘lga kiritdilar.
Oltin medal uchun kechgan bahsda esa Ozarbayjon termasi 5:3 hisobida taslim etildi.
Shu tariqa, dzyudochilarimiz jamoaviy yo‘nalishdagi g‘alabalari bilan delegasiyamizga 22-oltinni taqdim qilishdi. Shuningdek, hisobimizda 29 ta kumush va 30 ta bronza medallari ham mavjud.
