Sirdaryo viloyati Turizm va sport bosh boshqarmasi viloyatdagi tuman va shahar hokimliklari bilan hamkorlikda O‘zbekiston Respublikasi Prezidenti tomonidan ilgari surilgan 5ta muhim tashabbusning ijrosini ta’minlash, yoshlarni jismonan chiniqtirish, ularni sportga bo‘lgan qobiliyatini namoyon qilishlari uchun zarur shart-sharoitlar yaratish, bo‘sh vaqtlarini mazmunli tashkil etish hamda ular orasidan iqtidorli sportchilarni saralash (seleksiya) qilish maqsadida joriy yilning 11-12-sentyabr kunlari viloyatdagi barcha bolalar-o‘smirlar sport maktablarida futbol, voleybol, basketbol, badminton, stol tennisi, stritbol, Workout kabi 15dan ortiq sport turlari bo‘yicha «Yoshlar» spartakiadasi musobaqalari tashkil etildi.
«Yoshlar» spartakiadasi musobaqalarida barcha sportga qiziquvchi yoshlar jamoaviy hamda yakka holda ishtirok etib, sport tadbirlariga 5 000 nafardan ortiq yoshlar qamrab olindi.
Ushbu musobaqani tashkil etishdan asosiy maqsad – iqtidorli sportchilarni aniqlash hamda sport turlari bo‘yicha viloyat terma jamoasi tarkibini iqtidorli sportchilar bilan shakllantirishdan iborat.
Bayramona tarzda o‘tkazilgan spartakiada g‘olib va sovrindorlari tashkilotchilar tomonidan diplom, medal va esdalik sovg‘alari bilan taqdirlanishdi.
