Сирдарё вилояти Туризм ва спорт бош бошқармаси вилоятдаги туман ва шаҳар ҳокимликлари билан ҳамкорликда Ўзбекистон Республикаси Президенти томонидан илгари сурилган 5та муҳим ташаббуснинг ижросини таъминлаш, ёшларни жисмонан чиниқтириш, уларни спортга бўлган қобилиятини намоён қилишлари учун зарур шарт-шароитлар яратиш, бўш вақтларини мазмунли ташкил этиш ҳамда улар орасидан иқтидорли спортчиларни саралаш (селекция) қилиш мақсадида жорий йилнинг 11-12-сентябр кунлари вилоятдаги барча болалар-ўсмирлар спорт мактабларида футбол, волейбол, баскетбол, бадминтон, стол тенниси, стритбол, Workout каби 15дан ортиқ спорт турлари бўйича «Ёшлар» спартакиадаси мусобақалари ташкил этилди.

«Ёшлар» спартакиадаси мусобақаларида барча спортга қизиқувчи ёшлар жамоавий ҳамда якка ҳолда иштирок этиб, спорт тадбирларига 5 000 нафардан ортиқ ёшлар қамраб олинди.

Ушбу мусобақани ташкил этишдан асосий мақсад – иқтидорли спортчиларни аниқлаш ҳамда спорт турлари бўйича вилоят терма жамоаси таркибини иқтидорли спортчилар билан шакллантиришдан иборат.

Байрамона тарзда ўтказилган спартакиада ғолиб ва совриндорлари ташкилотчилар томонидан диплом, медаль ва эсдалик совғалари билан тақдирланишди.