PSJ bosh murabbiyi Maurisio Pochettino bu mavsumda qaysi jamoalar Chempionlar ligasining favoritlari bo‘lishini aytdi. Bu haqda RMC Sport xabar bermoqda.
Mutaxassis kuchlilar qatoriga APL grandini kiritdi.
“Men kim o‘yinni asosiy tarkibda boshlashini hal qilmadim. Mashg‘ulotlardan so‘ng ko‘rib chiqishimiz kerak, hali ham ba’zi shubhalar bor.
Favoritlar – «Chelsi» va biz. Tarkibimizdagi futbolchilarni inobatga olsak, «Chelsi» hamda PSJ ayni paytda eng yaxshi jamoalar deb o‘ylayman.
Ammo «Chelsi» o‘tgan yili muvaffaqiyat qozondi va bu yil chempionlik unvonini himoya qiladi. Agar bitta jamoani tanlashim kerak bo‘lsa, men ularning nomlarini aytgan bo‘lardim. Ular yaxshi futbolchilar bilan shartnoma imzolab, kuchliroq bo‘lishdi. Ular bu transfer oynasida bizdan ko‘ra ko‘proq pul sarflashdi.
Bu yozda biz ko‘plab futbolchilar bilan shartnoma imzoladik, lekin biz bundan foydalanishimiz va ajoyib jamoaga aylanishimiz kerak”, — deydi Pochettino.
