ПСЖ бош мураббийи Маурицио Почеттино бу мавсумда қайси жамоалар Чемпионлар лигасининг фаворитлари бўлишини айтди. Бу ҳақда РМC Спорт хабар бермоқда.

Мутахассис кучлилар қаторига АПЛ грандини киритди.
“Мен ким ўйинни асосий таркибда бошлашини ҳал қилмадим. Машғулотлардан сўнг кўриб чиқишимиз керак, ҳали ҳам баъзи шубҳалар бор.

Фаворитлар – «Челси» ва биз. Таркибимиздаги футболчиларни инобатга олсак, «Челси» ҳамда ПСЖ айни пайтда энг яхши жамоалар деб ўйлайман.

Аммо «Челси» ўтган йили муваффақият қозонди ва бу йил чемпионлик унвонини ҳимоя қилади. Агар битта жамоани танлашим керак бўлса, мен уларнинг номларини айтган бўлардим. Улар яхши футболчилар билан шартнома имзолаб, кучлироқ бўлишди. Улар бу трансфер ойнасида биздан кўра кўпроқ пул сарфлашди.

Бу ёзда биз кўплаб футболчилар билан шартнома имзоладик, лекин биз бундан фойдаланишимиз ва ажойиб жамоага айланишимиз керак”, — дейди Почеттино.